O‘zbekiston Respublikasi Prezidenti huzuridagi Davlat siyosati va boshqaruv akademiyasida hokimlarning axborot siyosati bo‘yicha maslahatchilari uchun tashkil etilgan ikki kunlik maxsus o‘quv kurs yakunlandi.

Akademiya rektori Jasur Salixov “Axborot-resurs markazi”da matbuot kotiblari bilan muloqotda bo‘lib, Prezidentning 2025 yil 5 maydagi PF–78-son farmoni ijrosi doirasida amalga oshirilayotgan transformatsion loyihalar haqida ma’lumot berdi.

“Boshqaruvda samarali axborot va kommunikatsiya tizimini yo‘lga qo‘yish, ochiqlik va shaffoflikni ta’minlash” mavzusidagi amaliy mashg‘ulotlarda tinglovchilar “O‘zbekiston – 2030” strategiyasi, axborot qonunchiligi, zamonaviy PR texnologiyalar, tahlil va monitoring tizimlari hamda ijtimoiy media bilan ishlash bo‘yicha tajriba almashdi.

Kursni muvaffaqiyatli yakunlagan tinglovchilarga sertifikatlar topshirildi.

O‘zA