Академик эшкак эшувчиларнинг тарихий ютуғи
Шу кунларда Чехиянинг Рачице шаҳрида академик эшкак эшиш бўйича 23 ёшгача бўлган спортчилар ўртасида Жаҳон чемпионати баҳслари давом этмоқда.
Ўзбекистон Республикаси Туризм ва спорт вазирлиги матбуот хизматининг хабар беришича, кеча ўтказилган 2 минг метр масофали жуфтликлар баҳсида Евгений Агофонов ва Шаҳзод Нурматов 10 та жамоа орасида маррага учинчи бўлиб етиб келди ҳамда жаҳон чемпионатининг бронза медалини қўлга киритди.
АҚШ, Венгрия ва Германия каби кучли академикчиларни ортда қолдирган жамоамиздан олдинги ўринларни Чили ва Италия вакиллари эгаллади.
Академик эшкак эшиш бўйича 23 ёшгача бўлган ёшлар ўртасидаги жаҳон чемпионатида спортчиларимиз тарихда илк бор ушбу натижани қайд этганлигини Ўзбекистон академик эшкак эшиш спортининг оламшумул ютуғи сифатида эътироф этмоқ лозим.
Т. Рўзиев