Вьетнамнинг Хайфон шаҳрида академик эшкак эшиш бўйича бўлиб ўтаётган Осиё чемпионатида Ўзбекистон терма жамоаси аъзолари 2 та олтин ва 4 та кумуш медалга сазовор бўлди.

Чемпионатнинг М8+ йўналишида Шеҳроз Ҳакимов, Шуҳрат Шодиев, Обиджон Жўрақулов, Шаҳриёр Ҳамдамов, Фазлиддин Каримов, Дилшоджон Худойбердиев, Давржон Давронов, Алишер Турдиев ва Фаррух Облақуловдан иборат жамоамиз барча рақибларини ортда қолдириб, олтин медалга сазовор бўлди. Шунингдек, жуфтлик пойгаларида Малика Тагматова ва Анна Пракатен тандеми Осиё чемпионига айланди.  

Академик эшкак эшиш бўйича Осиё чемпионатининг яккалик баҳсларида Шаҳзод Нурматов маррага иккинчи бўлиб етиб келди.  LM2x йўналишида Собиржон Сафаролиев /Озоджон Маматов, M4x бўйича Бобуржон Муҳиддинов, Жамолбек Тўрғунов, Меҳрожбек Маматқулов, Шаҳбоз Холмурзаевдан иборат жамоамиз, W2 йўналишида Райҳона Сатторова / Айдана Сметуллаева жуфтлиги кумуш медални қўлга киритди.

Жавоҳир Тошхўжаев,

ЎзА