Xitoyning Shanxay shahrida akademik eshkak eshish bo‘yicha o‘tayotgan jahon chempionatining ilk kunida hamyurtimiz yarim final yo‘llanmasiga ega chiqdi.

Bugun, 22 sentyabr kuni 56 ta mamlakatning 700 nafardan ziyod sportchilari ishtirok etayotgan jahon chempionatining M4 dasturida qatnashgan hamyurtlarimiz muvaffaqiyatga erishdi. 

4 nafar eshkak eshuvchilardan iborat terma jamoamiz yigitlari saralashda 6:02:37 daqiqa vaqt bilan yarim final yo‘llanmasini qo‘lga kiritdi. 

Endi O‘zbekiston terma jamoasi a’zolari 24 sentyabr kuni final yo‘llanmasi uchun kurashlarda ishtirok etadi. 

Jahon chempionati bahslari 28 sentyabrga qadar davom etadi. 

T.Ro‘ziyev, O‘zA