Вьетнамда академик эшкак эшиш бўйича якунланган Осиё чемпионатида Ўзбекистон терма жамоаси аъзолари 4 та олтин, 4 та кумуш ва 2 та бронза медалларини қўлга киритди.

Осиё қитъасининг 18 та мамлакатидан 232 нафар спортчи 20 та йўналишда баҳс олиб борган чемпионат сарҳисобига кўра, ҳамюртларимиз 10 та медаль билан умумжамоада иккинчи ўринни эгаллади.

6 та олтин, 1 та кумуш ва 2 та бронза медалига эгалик қилган Вьетнам жамоаси ўз майдонида биринчи ўриндан жой олган бўлса, 3 та олтин, 5 та кумуш, 2 та бронза медали жамғарган Ҳиндистон жамоаси кучли учликка якун ясади.

Қитъа чемпионатида Ватанимиз шарафини улуғлаган Ўзбекистон спорт делегацияси Ислом Каримов номидаги Тошкент халқаро аэропортида тантанали кутиб олинди.

Т.Рўзиев, ЎзА