Таяу Шығыс пен Солтүстік Африкадағы алғашқы және ең ірі бюджеттік авиакомпаниялардың бірі Air Arabia Біріккен Араб Әмірліктерінің Рас-әл-Хайма қаласы мен Ташкент арасында жаңа бағыт ашқанын хабарлады.

Екі қала арасындағы ұшулар Рас-әл-Хайма халықаралық әуежайы мен Ислам Каримов атындағы Ташкент халықаралық әуежайын байланыстырады және 27 желтоқсаннан бастап әр жұма сайын рейстер жүзеге асыратын болады.

Осыған байланысты Air Arabia тобының бас директоры Одил әл-Алий былай деді:
«Біз Өзбекстан астанасы Ташкентке тікелей рейстердің іске қосылғанын және бұл Рас-әл-Хаймадан маршруттарымыздың ауқымын одан әрі кеңейткенімізді хабарлаудан қуаныштымыз. Бұл жаңа бағыт біздің туризм ұсыныстарымызды дамытуға және жолаушыларымызға сенімді әрі қолжетімді әуе саяхаттарын ұсынуды жалғастыруға деген адалдығымызды көрсетеді».

Ташкентке жаңа бағыттың қосылуымен Air Arabia енді Рас-әл-Хаймадан сегіз қалаға ұшады. Олар: Каир (Мысыр), Исламабад (Пәкістан), Лахор (Пәкістан), Пешавар (Пәкістан), Жидда (Сауд Арабиясы), Каликут (Үндістан), Мәскеу (Ресей) және Ташкент (Өзбекстан). Бұдан бөлек, қазіргі уақытта әуе тасымалдаушы Шарджа мен Абу-Дабиден Ташкентке тікелей рейстерді орындап келеді.