Халықаралық бокс федерациясы (AIBA) ресми түрде салмақ санаттары көбейткенін мәлімдеді.

Өзгерістер 1 тамызда күшіне енетін болып, әлем чемпионаттары ерлер үшін 13, әйелдер үшін 12 салмақ дәрежесінде жекпе-жектер өтеді.

Ерлер: -48 кг, -51 кг, -54 кг, -57 кг, -60 кг, -63,5 кг, -67 кг, -71 кг, -75 кг, -80 кг, -86 кг, -92 кг, +92 кг; (барлығы - 13)

Әйелдер: -48 кг, -50 кг, -52 кг, -54 кг, -57 кг, -60 кг, -63 кг, -66 кг, -70 кг, -75 кг, -81 кг, +81 кг. (барлығы - 12).

Бұл салмақ дәрежелері жастар мен ересектер арасындағы әлем чемпионатына қатысты. 2024 жылы Парижде өтетін Олимпиада ойындарында ерлер арасында 7, әйелдер арасында 6 салмақ дәрежесі қарастырылған.