Oliy Majlis Senati Kengashining Jizzax shahrida o‘tgan sayyor majlisidan so‘ng Senat raisi Tanzila Norboyeva Sharof Rashidov tumanida viloyat va tuman Kengashlari deputatlari bilan uchrashdi.

Uchrashuvda Prezidentimizning joriy yil 2-fevraldagi “Mahalliy davlat hokimiyati organlari faoliyatining samaradorligini oshirish chora-tadbirlari to‘g‘risidagi” farmonining mazmun va mohiyati, kelib chiqadigan vazifalar yuzasidan batafsil tushuncha berildi. 

T.Norboyeva tuman tibbiyot birlashmasida ham bo‘lib, tumanni ijtimoiy-iqtisodiy rivojlantirish borasida amalga oshirilgan ishlar bilan yaqindan tanishdi. Tuman markaziy kasalxonasida bemorlar va shifokorlar uchun yaratilgan sharoitlar bilan qiziqdi, muassasada mehnat qilayotgan shifokorlar bilan suhbatlashdi. 

A.Qayumov, O‘zA muxbiri