Vatanimiz mustaqilligining 30 yilligini munosib kutib olish uchun tayyorgarlik ko‘rish maqsadida O‘zbekiston davlat san’at muzeyi xodimlari ham umumxalq obodonlashtirish xayriya hasharida faol ishtirok etdi.
Hashar muzey va uning filiali binosida o‘tkazilib, hovli va bog‘lar obodonlashtirildi. Atrofdagi daraxtlar shoxlari tartibga keltirildi. Tozalash va yon-atrofni saranjom holatga keltirish mobaynida to‘plangan chiqindilar maxsus belgilangan joylarga olib chiqib ketildi.
Ushbu umumxalq hashari ko‘tarinki ruh va katta ishtiyoq bilan amalga oshirilmoqda. Hasharni samarali tashkillashtirishda O‘zbekiton davlat san’at muzeyining xodimlari munosib hissa qo‘shdi.
Shuningdek, umumxalq xayriya obodonlashtirish hasharida Madaniy meros ob’ektining barcha hududiy filiallari xodimlari ham faol ishtirok etdi. Qadimiy obidalar, muqaddas maskanlarning chor-atrofi xodimlar tomonidan chinnidek tozalandi. Turfa gul ko‘chalari o‘tqazildi. Xiyobonlar, maysazorlar hademay yetib keladigan kuzdan darak beruvchi ilk xazon barglaridan tozalandi. Hashar milliy birdamligimiz, ahilligimiz, hamjihatligimizning yana bir yorqin va amaliy ifodasiga aylandi.
N.Usmonova,
O‘zA