Ағылшын футбол қауымдастығы (FA) «Челси» клубының бас бапкері Томас Тухельге жаңа айып тақты.

Sky Sports хабарлауынша, FA бапкерді «төрешінің адал жұмысына күмән келтірді» деп айыптаған.

«Челси» клубының бас бапкері Томас Тухель АПЛ 2-ші турында «Тоттенхэм» клубына (2:2) қарсы ойыннан кейін бас төреші Энтони Тейлордың қызметіне байланысты пікір айтқан болатын.

Дербиден кейінгі баспасөз мәслихатында Тухель төрешінің «Тоттенхэм» командасының екі голын да қате санағанын және қорғаушы Кристиан Ромероны қасақана айып добы жасағаны үшін алаңнан қумағанын баса айтты. Сондай-ақ, Тейлор «Челсидің» алдағы ойындарында ешқашан төреші болмайтынына үміт білдірген.

Еске сала кетейік, өткен аптада FA «Тоттенхэм» бас бапкері Антонио Контемен жанжалдасып қалғаны үшін Тухельді 1 ойынға шеттетіп, 35 мың фунт стерлинг айыппұл салған болатын.