Бразилиянинг афсонавий футболчиси, уч карра жаҳон чемпиони Пеле 82 ёшида узоқ давом этган касалликдан сўнг вафот этди.

Англия жамоаси  ва «Манчестер Юнайтед»нинг собиқ сардори Бобби Чарлтон бир пайтлар футбол Пеле учун ўйлаб топилганини айтган эди.  

Дарҳақиқат, кўплаб шарҳловчилар ва мухлислар учун Пеле Бразилия футболининг энг ёрқин тимсоли ва дунё тарихидаги энг яхши футболчиси эди.  

Пеле нафақат спортчи, балки атроф-муҳитни муҳофаза қилиш ва камбағаллар ҳаётини яхшилаш учун курашган жамоат арбоби эди.  

2021 йилнинг сентябрь ойида хасталик хуружи кучаяди, жорий йилнинг апрель ойидан бери у касалхонада даволанаётганди.

“Santos” клуби Пеленинг жасади 2 январь куни тонгда шифохонадан  “Vila Belmiro” стадионига олиб келишини маълум қилди. Видолашув маросими эртаси кун эрталаб соат 10.00 гача давом этади.  

Шундан сўнг тобут пойтахт кўчалари бўйлаб олиб кетилади, сўнгра дафн маросими ўтказилади.

ЎзА