Италияда өтіп жатқан шахматтан жасөспірімдер (14-16-18 жас аралығындағы) арасындағы әлем чемпионатында өзбекстандық шахматшы Афруза Хамдамова мерзімінен бұрын әлем чемпионы атанды.

Әлемнің 92 елінен 766 ұл-қыз қатысып жатқан жарыста шахмат додасында Самарқанд шахмат мектебінің түлегі Афруза Хамдамова (2199) Анна Шукманға (2263) қарсы кездесуде жеңіске жетті. 

Ол ұпайлар саны бойынша ең жақын қарсыласы қазақстандық шахматшыны өзара кездесуде жеңген. Турнир ережесі бойынша ұпай тең болса, өзара кездесу есептеледі.

Осылайша Өзбекстаннан келген жас шахматшы мерзімінен бұрын әлем чемпионы атанды. Бұл жағдай жасөспірімдер арасындағы Өзбекстан тарихында алғашқы жетістік.