2023 жылдың маусым-шілде айларында Кот-д'Ивуарда өтуі жоспарланған Африка Ұлттар кубогы 2024 жылдың қаңтарына ауыстырылды.

L'Equipe басылымының хабарлауынша, турнирдің басқа мерзімге көшірілуіне ауа-райының қолайсыздығы себеп болған. Кот-д'Ивуарда бұл кезеңде елде қатты жаңбыр жауады. Осыған байланысты турнир 2024 жылдың қаңтар-ақпан айларына өтетін болады.

Мароккодағы Африка футбол конфедерациясының атқарушы комитетінің отырысында Африка ұлттар кубогының келесі турнирін алты айға шегеруге шешім қабылданған.