Душанба куни Буркина-Фасодаги шахтада юз берган портлаш оқибатида 59 киши ҳалок бўлган, яна 50 киши турли даражада жароҳат олган, дейилади Agence France-Presse агентлиги тарқатган хабарда.

Хабарда таъкидланишича, жароҳатланганлар орасида аёллар ва болалар ҳам бор. Омон қолганларнинг айримлари жуда оғир аҳволда. 

Портлаш олтин ювиладиган жойда содир бўлган. Аслида ўпирилиш хавфи юқори бўлган мазкур шахтанинг  фаолияти ҳукумат томонидан  тақиқланган. Маҳаллий гувоҳларнинг таъкидлашича, портлашга воқеа жойида контрабанда йўли билан келтирилган динамит омборидаги портлаш сабаб бўлган.