Буркина-Фасо шимолида жангариларнинг пистирмадан туриб ҳужум уюштириши оқибатида камида 13 нафар жандарм ҳалок бўлди, деб хабар тарқатди Agence France-Presse агентлиги мамлакат хавфсизлик органлари манбаларига таяниб.

Хабарда келтирилишича, бир гуруҳ жандармлар Тапарко конига унча узоқ бўлмаган жойда жангарилар пистирмасига дуч келган. Дастлабки маълумотларга кўра, 13 киши ҳалок бўлган. Бир неча жандарм бедарак йўқолган.

Буркина-Фасо шимолидаги ушбу олтин кони жойлашган туманда бир ҳафта ичида  учинчи бор ҳужум уюштирилди. 10 мартда ҳам жангарилар гуруҳи Сейтенга туманига ҳужум қилиб 10 кишини ўлдирган эди. 12 мартда эса  30 нафар жангари кон ҳудудига яширинча кириб, 11 кишини ўлдирган.