Afg‘onistonda toliblar hujumi ortidan to‘rtta telekanal faoliyatini to‘xtatdi
Afg‘onistonning janubida “Tolibon” harakati jangarilari hujumi tufayli kamida to‘rtta telekanal va 10 dan ortiq radiostansiya faoliyatini to‘xtatishga majbur bo‘ldi, deb xabar tarqatdi Afg‘onistonning 1TV News telekanali axborot va madaniyat vazirligi bergan ma’lumotga tayanib.
“Mazkur telekanallar va radiostansiyalar “Tolibon” jangarilari Afg‘oniston janubida maydoni bo‘yicha eng katta hisoblangan Gilmend viloyatining poytaxti Lashkargohga hujum uyushtirganidan keyin o‘z faoliyatini to‘xtatishga majbur bo‘ldi”, deyiladi xabarda.