Фалокат тоғли Афғонистоннинг Парван вилоятида Саланг давонида юз бергани айтилмоқда. Айни пайтда қурбонлар сони 19 кишига етди, дея маълум қилган вилоят полиция бошқармаси вакили Камран Заид.

Унинг айтишича, бензин ташувчи автомобилда ёнғин келиб чиққандан кейин аланга кўмир ортилган иккита юк автомобилига ўтган, натижада 12 автомобилнинг ёниб кетишига сабаб бўлган.  

Аввалроқ 10 киши ҳалок бўлгани ва 20 киши жароҳат олгани ҳақида хабар берилган эди. Автоцистерна Бағландан Кобулга кетаётган бўлган ва Саланг туннели ичида ёниб кетган.  

Саланг туннели Ҳиндиқуш тоғидаги денгиз сатҳидан 3,2 минг метр баландликда жойлашган. Туннелнинг узунлиги 3,6 километр, кенглиги  6 метр келади. Мазкур туннель Кобул билан мамлакатнинг шимолий вилоятларини боғлаб турувчи ягона автомобиль йўли ҳисобланади.