Afg‘onistonda 6 nafar politsiyachi halok bo‘ldi
Afg‘oniston sharqidagi Nangarxor viloyatida "Tolibon" radikal harakati jangarilari hujumi oqibatida kamida 6 nafar politsiya xizmatchisi qurbon berilgan. Bu haqda “RIA Novosti”ga mahalliy manba xabar berdi.
Ma’lumotga qaraganda, Batikot okrugida politsiyaning mahalliy bo‘linmasi toliblar tomonidan qurshab olingan. Natijada bo‘lim sardori bilan birga 6 xodim o‘ldirilgan, 4 nafar huquq himoyachisi yaralangan.
O‘zA