Afg‘onistonda poliomiyelitga qarshi emlash bo‘yicha umummilliy dastur qayta tiklanadi. “Tolibonlar” tomonidan shakllantirilgan yangi hukumat dasturni qo‘llab-quvvatlab, ayollarga unda xodimlar sifatida ishlashga ruxsat berdi, deb xabar beradi BMT.

Jahon sog‘liqni saqlash tashkiloti va YUNISEF emlash ishlari tolibonlar ko‘magida 8 noyabrdan boshlanishini ma’lum qilishdi.

So‘nggi uch yilda mamlakatda poliomiyelit bilan kasallanish holatlari ancha ko‘paygan.

YUNISEF tashkilotidan olingan ma’lumotlarga ko‘ra, o‘tgan yili Afg‘onistonda 56 ta yangi kasallanish holatlari qayd etilgan. Bu 2011 yildan buyon eng yuqori ko‘rsatgichdir.

www.theguardian.com sayti materiallari asosida

Gulruh Abdullayeva tayyorladi, O‘zA