Афғонистон ҳукумати толиблар билан эришилган тинчлик битимининг шартларини бажаришни бошлади
Афғонистон ҳукумати баёнот бериб, “Толибон” радикал ҳаракатнинг бир неча юз жангариси озод этилганини маълум қилди.
Афғонистон ҳукумати баёнот бериб, “Толибон” радикал ҳаракатнинг бир неча юз жангариси озод этилганини маълум қилди.
Илк 200 нафар жангари бу ҳафтада озод қилингани айтилган эди.
Афғонистон Миллий хавфсизлик Кенгашининг баёнотига қараганда, шу тариқа толиблар билан эришилган тинчлик битимининг шартларини бажариш бошланди. Мазкур Келишув феврал ойи сўнгида АҚШ иштирокида имзоланган эди.
Ўз навбатида толиблар вакили баёнот бериб, ҳаракат Қобул маъмуриятига алоқаси бўлган 20 нафар маҳбусни озод қилганини билдирди.
Бу “Толибон” томонидан маҳбусларни илк бор топширилишидир.
Асирларни айирбошлаш шартноманинг асосий бандларидан бири эди.
Афғонистон ҳукумати беш мингга яқин толиблар асирларини ўзининг минг нафар ҳарбий хизматчисига айирбошлаши керак эди. Ана ўшандан кейингина янги музокоралар ва хукуматни шакллантириш бошланади.
Бироқ, томонлар бир-бирларини ўт очишни тўхтатиш режими ва шартномани бузишда айбламоқда.