Наманган халқаро аэропортида замонавий учиб келиш терминали фойдаланиш учун очилди. Шу муносабат билан ўтказилган тантанали маросимда вилоят фаоллари, “Uzbekistan Airports” акциядорлик жамияти ҳамда халқаро аэропорт масъул ходимлари, соҳа фахрийлари, кенг жамоатчилик ва оммавий ахборот воситалари вакиллари иштирок этди.

Бугунги кун талабларига жавоб берадиган 30 кв.ли энергия тежамкор қуёш панеллари ва соатига 300 литрдан ортиқ сувни иситиш қувватига эга мосламалар ўрнатилди. Аэропортнинг кутиб олиш терминали аввал соатига 100 кишига хизмат кўрсатган бўлса, реконструкциядан кейин соатига 300 кишига хизмат кўрсатиш имконига эга бўлди. Шунингдек, учиб келиш терминалининг олди қисмида кутиб олувчилар учун автотураргоҳлар ташкил этилди.  

Тадбир давомида “НУ-9830” авиақатнови орқали Россия Федерациясининг Екатеринбург шаҳридан юртимизга келган йўловчилар янги бинода гуллар ва эсдалик совғалари билан кутиб олинди.  

Терминалнинг очилишида Наманган вилояти ҳокими Шавкат Абдураззоқов иштирок этди.  

[gallery-13470]

Оқилхон Дадабоев, Ҳотам Мамадалиев (сурат), ЎзА мухбирлари