Бугун Ўзбекистон «Адолат» социал-демократик партияси ташкил топганига 27 йил тўлди.

1995 йил 18 февралда илк бор бўлиб ўтган Ўзбекистон «Адолат» социал-демократик партиясининг таъсис Қурултойида Ватанимиз мустақиллигини янада мустаҳкамлаш, Республикада демократияни ривожлантириш, ҳуқуқий давлат қуриш жараёнларини такомиллаштириш, қонун устуворлигини таъминлаш мақсадларидан келиб чиққан ҳолда сиёсий партия тузиш юзасидан қарор қабул қилинган эди.

Ўтган даврдан бугунги кунгача жамиятимизда адолат тантанаси учун курашаётган «Адолат» социал-демократик партияси, унинг депутатлик корпуси «Адолат — ҳар бир инсон учун» деган ҳаётбахш ғоялар ижроси йўлида хизмат қилиб келмоқда.

«Адолат» социал-демократик партияси бундан 10 йил аввал — 2012 йилда 80 минг аъзога эга бўлган бўлса, айни пайтда улар сони 515 мингдан ошди. Демак, 10 йил мобайнида партия тарафдорлари 6 баробардан зиёдга кўпайган. Партия ташкилотлари ва депутатлик бирлашмалари партия ғоя ва мақсад-вазифаларидан келиб чиқиб, қатор ташаббусларни амалга оширишга, қонун устуворлигини таъминлашга эътибор қаратиб келади.

М.Комилова, ЎзА