«Адолат» социал-демократиялық партиясынан Өзбекстан Республикасы Президенттігіне кандидат Робахон Махмудова Бұхара мемлекеттік медицина институтының залында сайлаушылармен кездесті.

Жиынға партияның жергілікті кеңесінің депутаттары, білім саласының өкілдері, аудан белсенділері, зиялы қауым, сайлауға алғаш рет қатысып отырған жастар, БАҚ өкілдері қатысты.

Кандидаттың Бұхара қаласындағы өкілі, «Адолат» социал-демократиялық партиясы Бұхара облыстық кеңесінің төрағасы Мақсуд Хамидов шараға қатысушыларды кандидаттың өмірбаяны мен қызметі туралы таныстырды. Мұнан соң кандидаттың сайлауалды бағдарламасында алға қойылған идеялар мен мақсаттар туралы баяндады.

Кандидаттың сайлауалды бағдарламасында әйелдерді жұмыспен қамтамасыз ету, еңбек жағдайын жақсарту, әсіресе, ауылдық жерлердегі әйелдерді отбасылық және жеке кәсіпкерлікке, қолөнермен айналысуға тартуға баса назар аударылған.

– Біз қыз-келіншектердің белсенділігі мен рөлін арттырып, мемлекеттік билік пен басқарудың барлық деңгейіндегі әйел өкілдері санын арттыруды жалғастырудамыз. Әйелдерге қатысты тұрмыстық зорлық-зомбылыққа қарсы қабылданған заңдардың сөзсіз орындалуын қамтамасыз етеміз. Осыған байланысты жеке бағдарламалар әзірлеп, жүзеге асырамыз, – деді Робахон Махмудова. 

[gallery-12359]

- Үміткердің сайлауалды бағдарламасын тыңдадық. Бағдарламасында айтқан идеялары мен ұсыныстары еліміздің дамуы мен азаматтарымыздың әл-ауқатын қамтамасыз етуде маңызды екені сөзсіз. Күшті әлеуметтік бағытта алға қойылған мақсаттар мен міндеттер ешбір сайлаушыларды бей-жай қалдырмайды, – дейді Республикалық жедел медициналық жәрдем ғылыми орталығы Бұхара филиалының дәрігері Шахноза Полатова. 

Шара соңында үміткер сайлаушыларды қызықтырған барлық сұрақтарға жан-жақты жауап берді.

Зариф Комилов,

Тахиржон Истатов (сурет), ӨзА