Сайёр қабул давомида бир қанча тадбиркорларнинг кўпдан бери қийнаб келаётган муаммолари ўз ечимини топди.

Жумладан, Хонобод шаҳрида фаолият юритиб келаётган “Lens textile invest” МЧЖ ҳозирги кунда 240 нафар ишчи ўринга эга бўлиб, бу ерда болалар, аёллар ва эркаклар кийимлари ишлаб чиқарилади.

Тадбиркор томонидан ўз ишлаб чиқариш фаолиятини янада кенгайтириш, қўшимча 100 нафар ишчи ўринларини яратиш ҳамда хорижий давлатларга экспорт ҳажмини янада ошириш мақсадида Туркия ва Хитой давлатларидан жами 644 минг АҚШ долларлик қўшимча дастгоҳлар сотиб олиш учун шартнома имзоланган.

Тадбиркор томонидан ушбу лойиҳанинг 622 минг АҚШ доллари кредит эвазига амалга оширилиши белгиланган, бироқ шу кунга қадар барча ҳужжатлар тақдим этилишига қарамай тадбиркорга кредит ажратилмай келинган.

Адлия вазири бошчилигидаги ишчи гуруҳ томонидан тадбиркор мурожаати жойида кўриб чиқилиб, Республика “Ўзсаноатқурилишбанк”и томонидан тадбиркорга 500 минг АҚШ доллари миқдоридаги кредит ажратилиши таъминланди.

“Lens textile invest” МЧЖ томонидан айланма маблағ ва дастгоҳлар сотиб олиш учун кредит олмоқчи эдик, шу муаммо анчадан буён ҳал бўлмай келаётган эди. Адлия вазирининг сайёр қабулини эшитиб биз ҳам шу масалада қабулларида бўлдик, Адлия вазири томонидан шу жойнинг ўзида Республика “Ўзсаноатқурилиш” банки билан боғланиб бизнинг муаммони қонуний ҳал қилиб берди. Ҳозирги кунда биз ушбу ажратилган кредит эвазига янги тикув дастгоҳларини сотиб олиб, яна қўшимча ишчи ўринларини яратяпмиз. Бунинг учун давлатимиз раҳбарига ва Адлия вазирига ўз миннатдорчилигимизни билдириб қоламиз дейди – МЧЖ раҳбари билан суҳбат давомида.

Кечга қадар давом этган ушбу сайёр қабул давомида кўплаб тадбиркорларнинг мурожаатлари кўриб чиқилди.