15 февраль куни халқ депутатлари Самарқанд вилояти Кенгашига сайлов ўтказувчи Ургут туманидаги 58-Жозмон сайлов округида бўшаб қолган ўринга депутатлик сайлови ўтказилди.

Бугун Самарқанд вилояти ҳудудий сайлов комиссияси ушбу сайлов натижалари тўғрисида қарор қабул қилди.  

Унга кўра, сайловда Тадбиркорлар ва ишбилармонлар ҳаракати – Ўзбекистон-либерал демократик партияси вилоят кенгаши томонидан кўрсатилган номзод, вилоят ҳокими Адиз Бобоев бошқа номзодларга нисбатан энг кўп овоз олиб, халқ депутатлари вилоят Кенгаши депутати этиб сайланди ва депутат сифатида рўйхатга олинди.  

Ҳудудий сайлов комиссияси томонидан рўйхатга олинган депутатга белгиланган тартибда гувоҳнома ва кўкрак нишони берилади.

Ғ.Ҳасанов, ЎзА мухбири