37 жастағы украиналық боксшы, ауыр салмақтағы абсолютті әлем чемпионы Александр Усик Халықаралық бокс федерациясының (IBF) чемпионы атағынан бас тартқанын мәлімдеді.

Спортшы мұны 2024 жылдың 21 қыркүйегінде британдық боксшылар Энтони Джошуа мен Дэниэл Дюбоис осы титул үшін чемпиондық жекпе-жекті ұйымдастыруға мүмкіндік беру үшін белбеуден бас тартқанын айтқан.

«IBF белбеуі – 2024 жылдың 21 қыркүйегіндегі жекпе-жекке берген сыйым. Әлем мықтыларды жақсы көреді. Досыңыз, ауыр салмақтағы абсолютті әлем чемпионы Александр Усик», - деп жазған Усик әлеуметтік желіде.

2024 жыл 18 мамырда Усик сол кезде WBC белбеуінің иегері болған британдық Тайсон Фьюриді жеңіп, ауыр салмақтағы абсолютті әлем чемпионы атанды.

2021 жылдың 21 қыркүйегінде Александр Энтони Джошуаны жеңіп, IBF нұсқасы бойынша әлем чемпионы атанған еді.