Хабарингиз бор, футбол бўйича 2026 йилнинг 11 июнь кунидан 19 июль санасига қадар АҚШ, Канада ва Мексикада навбатдаги Жаҳон чемпионати ўтказилади.

Ушбу мундиалда дунёнинг 48 терма жамоаси сафида 1200 нафардан зиёд энг зўр ўйинчилар майдонга тушиши кутилмоқда. Дунёга машҳур “The Athletic” нашри жаҳон чемпионатига йўлланма олган терма жамоалар ўйинчилари орасидан энг кучли 100 нафар футболчи номи қайд этилган рейтинг жадвалини тузди.

Қувонарлиси, ушбу рейтингга Ўзбекистон миллий терма жамоаси аъзоси Абдуқодир Ҳусанов марказий ҳимоячи сифатида 86-ўриндан жой олди. Шуни таъкидлаб ўтиш лозимки, ушбу Топ-100 таликда ҳужумчи, ярим ҳимоячи, дарвозабон ва ҳимоячи сифатида қайд этилган футболчилар ўрин олган. Агарда фақат ҳимоячилар рўйхати сараланса, Абдуқодир Ҳусанов жадвалнинг 16-ўрнида қайд этилади.  

Дарвоқе, ушбу жадвалдан Осиё қитъасидан фақатгина 7 нафар футболчи ўрин олди ва улар орасида Абдуқодир Ҳусанов рейтингидаги ўрни бўйича кучли учликдан жой олди.

1. Сон Хён Мин (Жанубий Корея)

– Ёши: 33

– Позицияси: ҳужумчи

2. Мехди Тареми (Эрон)

– Ёши: 33

– Позицияси: ҳужумчи

3. Абдуқодир Ҳусанов (Ўзбекистон)

– Ёши: 21

– Позицияси: ҳимоячи

4. Каору Митома (Япония)

– Ёши: 28

– Позицияси: ҳужумчи

5. Такефуса Кубо (Япония)

– Ёши: 24

– Позицияси: ҳужумчи

6. Арда Гюлер (Туркия)

– Ёши: 20

– Позицияси: ярим ҳимоячи

Жавоҳир Тошхўжаев, ЎзА