Өзбекстан ұлттық құрамасының 20 жастағы қорғаушысы Абдуқодир Хусанов Франция чемпионатында алғашқы жеке жүлдесіне ие болды.

Өзбекстандық футболшы Франция чемпионатының қазан айындағы ең үздік жас ойыншысы деп танылды. Өткен аптада Лига 1 дивизионының ресми сайтында айдың үздік жас ойыншысы атағына үміткерлер тізімі жарияланып, Абдуқодир Хусанов үш үміткердің қатарында еді.

Жеңімпазды анықтау үшін Франция чемпионатының Twitter-дегі ресми парақшасында сауалнама өткізілді. Нәтижесінде, Абдуқодир Хусанов ең көп дауыс жинап, қазан айының ең үздік жас ойыншысы атанды. 

Ол бұл сауалнамада «Марсель» командасының 21 жастағы шабуылшысы Джонатан Роу мен «Лионның» 19 жастағы форварды Малик Фофананы басып озды.

Бұған дейін «Ланс» командасындағы өзбекстандық қорғаушы өз клубында да айдың үздік ойыншысы атанған болатын.

Айта кетейік, Хусанов осы маусымда клубы сапында жалпы 12 ойынға қатысты. Соңғы турда «ПСЖ»-ға қарсы матчта (0:1) Ашраф Хакимиге дөрекі әрекеті үшін алаңнан қуылған болатын.