Бирлашган Араб Амирликларининг Дубай шаҳрида ўтказилаётган бокс бўйича IBA жаҳон чемпионати финал жанглари қизғин ўтмоқда.

Жаҳон чемпионати доирасида вазни -60 кг. бўлган маҳоратли боксчимиз Абдумалик Халаков сўнгги ҳал қилувчи финал баҳсида россиялик Всеволод Шумков билан ўтган жангда имкониятни бой бериб қўйди ва кумуш медаль билан тақдирланди. 

Бироздан сўнг, -67 кг. вазн тоифасида Асадхўжа Мўйдинхўжаев ва Эвгений Коол (Россия) дунё биринчилигида тенгсиз бўлиш учун рақобатлашади.

Жавоҳир Тошхўжаев, ЎзА