Өзбекстан Республикасының Президенті Шавкат Мирзиёев елдің Премьер-Министрі лауазымына қазіргі Үкімет басшысы Абдулла Ариповтың кандидатурасын ұсынды.

Олий Мажлистің Заң шығару палатасының депутаттары бұл ұсынысты жан-жақты қарастырып, кандидатураны талқылау барысында Министрлер Кабинеті әзірлеген жақын және ұзақ мерзімге арналған іс-қимыл бағдарламасын тыңдады. 

Талқылау барысында депутаттар мен фракция жетекшілері сөз сөйлеп, ұсынылған кандидатура мен Үкімет бағдарламасына байланысты өз пікірлерін ортаға салды. 

Кеңесулерден кейін Премьер-Министр қызметіне ұсынылған кандидатураны бекіту мәселесі жасырын дауыс беруге шығарылды. 

Дауыс беру нәтижесінде Абдулла Арипов көпшілік дауыспен Өзбекстан Республикасының Премьер-Министрі қызметіне мақұлданды.