Абдулазиз Комилов Хорватия ва Эстониянинг янги тайинланган элчиларини қабул қилди
Ўзбекистон Республикаси ташқи ишлар вазири Абдулазиз Комилов Хорватия Республикаси ва Эстония Республикасининг Фавқулодда ва мухтор элчилари (қароргоҳи Нур-Султон шаҳрида) этиб тайинланган Рефик Шабанович ва Тоомас Тирсни қабул қилди.
Вазир ишонч ёрлиқларини қабул қилар экан, элчиларни янги лавозимга тайинлангани билан табриклади ва масъулиятли лавозимида муваффақият тилади.
[gallery-4811]
Суҳбат чоғида икки томонлама ва “Ўзбекистон – Европа Иттифоқи” шаклида Ўзбекистон – Хорватия ва Ўзбекистон – Эстония муносабатларининг долзарб жиҳатлари муҳокама қилинди.
[gallery-4812]
Сиёсий-дипломатик, савдо-иқтисодий, сармоявий, маданий-гуманитар ва бошқа соҳаларда ўзаро манфаатли алоқаларни кенгайтириш бўйича амалий таклифлар кўриб чиқилди.
Минтақадаги ҳозирги вазият юзасидан фикр алмашилди.
Ғ.Хонназаров, ЎзА