Вашингтонға жұмыс сапарымен барған Өзбекстан Республикасының Сыртқы істер министрі Абдулазиз Камилов Америка Құрама Штаттары Халықаралық даму агенттігінің (USAID) әкімшісі Саманта Пауэрмен кездесті.

Өзбекстанның сыртқы істер министрі С.Пауэрді USAID басшысы болып тағайындалуымен құттықтап, жұмысына сәттілік тіледі.

Келіссөздер барысында тараптар Өзбекстан мен USAID арасындағы экономикалық өсуді ынталандыру, жұмыспен қамту, білім беру мен денсаулық сақтау жүйелерін дамыту, ауыл шаруашылығы мен Арал маңындағы экологиялық проблемаларды шешу саласындағы ынтымақтастықтың қазіргі жағдайы мен перспективаларын талқылады. 

С. Пауэр Өзбекстандағы реформалар бағдарламасын жүзеге асырудағы жетістіктерді жоғары бағалады және үкіметке оның әлеуметтік-экономикалық және гуманитарлық даму мақсаттарына жетуіне көмектесуге дайын екенін білдірді. Сонымен қатар ол «Орталық және Оңтүстік Азия: аймақтық байланыс. Қауіп пен мүмкіндіктер» тақырыбында өтетін конференцияға шақырғаны үшін алғысын айтып, форумға қатысу мүмкіндігін қарастыруға дайын екенін жеткізген.