Өзбекстанның Сыртқы істер министрі Абдулазиз Камилов 2021 жыл 12 сәуірде Ресейдің жаңадан тағайындалған Төтенше және Өкілетті Елшісі Олег Малгиновты қабылдады.

Өзбекстан СІМ мәліметінше, министр сенім грамоталарының көшірмесін ала отырып, Елшіні Өзбекстандағы жұмысының басталуымен құттықтап, жоғары және жауапты қызметіне сәттілік тіледі.

Кездесу барысында тараптар Өзбекстан-Ресей стратегиялық серіктестігінің қазіргі жағдайы мен даму перспективаларын, халықаралық ұйымдар аясындағы ынтымақтастықты талқылады және болашақ жоғары деңгейдегі іс-шаралардың кестесі мен күн тәртібі қарастырды.