Өзбекстан Республикасының Сыртқы істер министрі Абдулазиз Камилов Дели қаласында Үндістан Сыртқы істер министрі Субраманьям Джайшанкармен келіссөздер жүргізді.

СІМ дерегінше, екі елдің сыртқы істер министрлері саяси, сауда-экономикалық, инвестициялық және мәдени-гуманитарлық салалардағы ынтымақтастықтың басымдықтарын талқылаған кездесуде Өзбекстан мен Үндістан басшыларының тұрақты келіссөздері екіжақты қарым-қатынастарға жаңа серпін бергені атап өтілді.

Министрлер әртүрлі деңгейдегі алдағы кездесулердің кестесін қарастырды. Атап айтқанда, екі елдің сыртқы істер министрліктері арасындағы саяси консультацияны 2022 жылы Делиде өткізу ұсынылды.

БҰҰ, ШЫҰ және басқа да халықаралық құрылымдар аясында сындарлы диалог жүргізіліп жатқаны айтылып, тараптар Ауғанстандағы қазіргі жағдай, оның ішінде елге гуманитарлық көмек көрсету мәселелері бойынша пікір алмасты.