2020 жылдың 15-22 қараша аралығында Өзбекстан СІМ басшысы Абдулазиз Камилов бастаған Үкімет делегациясы АҚШ-қа жасаған сапары аясында, Абдулазиз Камилов АҚШ қорғаныс министрінің міндетін атқарушы Кристофер Миллермен кездесті.

Сыртқы істер министрлігінің хабарлауынша, тараптар екі ел арасындағы қорғаныс саласындағы ынтымақтастық перспективаларын талқылады.

Кристофер Миллер Өзбекстанға Орталық Азиядағы тұрақтылық пен қауіпсіздікті қамтамасыз етудегі жетекші рөлі үшін алғыс айтты және Америка Құрама Штаттары жалпы қауіпсіздік мәселелерін шешу үшін Өзбекстанмен ынтымақтастықты жалғастыратындығын қуаттады.

Кездесуде Пентагон басшысы елдің ауғанаралық бейбіт келіссөздер жүргізу, Ауғанстанның экономикалық қалпына келуіне және оның Орталық Азия аймағына интеграциялануына қолдау көрсету жөніндегі әрекеттерін жоғары бағалап, Ауғанстандағы бейбітшілік үдерісін әрі қарай ілгерілетуге және тұрақты саяси келісім мақсатын қолдайтындықтарын растады.

Сондай-ақ, сұхбат аясында екі тарап та әскери ынтымақтастықты одан әрі кеңейтудің маңыздылығын қуаттап, терроризмге қарсы күрес, шекара қауіпсіздігі, қорғаныс мекемелерінің әлеуетін арттыру сияқты мәселелер бойынша тығыз ынтымақтастықты жалғастыратындықтарын атап өтті.