АҚШда COVID-19нинг омикрон-штаммини юқтирган биринчи бемор оламдан ўтди, деб хабар бермоқда ABC нашри Техас соғлиқни сақлаш тизимидан олинган маълумотга таяниб.

"Округ вакили Харриснинг таъкидлашича, вафот этган бемор ёши 50дан ошган эркак бўлган. У шу вақтгача эмланмаган бўлиб, устига-устак жиддий касаллиги ҳам бор экан", — дейилади хабарда.

Ўтган ҳафта АҚШда COVID-19нинг омикрон-штамми энг тез тарқалаётган вирус сифатида қайд этилган эди. Вирус юқтирганларнинг 73,2 фоизини “омикрон” ташкил қилган. Бир ҳафта бурун бу кўрсаткич атиги 12 фоизни, қолгани "дельта" штаммига тўғри келаётганди.

АҚШда COVID-19нинг омикрон-штамми илк бор 1 декабрда аниқланган.