Қонун лойиҳасига қўмитанинг 25 аъзоси овоз берган, икки киши қаршилик қилган.

Энди ушбу қонун лойиҳасини сенатнинг тўлиқ таркиби ҳам маъқуллаши лозим, кейин унга вакиллар палатаси розилик билдириши керак бўлади. Зарурат туғилганда ушбу қонун лойиҳаси яна бир бор овозга қўйилади. Шундан кейингина, ҳужжат президент Доналд Трампга имзолашга берилади.

Қонун лойиҳасида назарда тутилган чора-тадбирлардан бири, бу фуқаролар уриши даврида қулдорлик ҳукм сурган жанубдаги ҳарбий базага қўйилган генерал номини ўзгартиришдир. Ушбу тузатиш Сенатор Элизабет Уоррен томонидан Миннеаполис полициячиларининг афроамерикалик Жорж Флойдни ўлдириши ортидан келиб чиққан норозилик намойишлари ва тартибсизликлар шароитида киритилди.

Шунингдек, мазкур бюджет Ракетага қарши мудофаа элементлари ҳамда гипертовушли қуролларни ишлаб чиқаришни молиялаштиришни кенгайтиради.

Хабарда айтилишича, АҚШнинг мудофаа бюджетида Россия ва Хитой билан стратегик рақобатга ҳам алоҳида урғу берилган.

Жумладан, қонун лойиҳасида Россияга ракета технологияларини беришга қўйилган тақиқ яна узайтирилган. Шунингдек, ҳужжатда АҚШнинг ракетага қарши мудофаа тизимини Хитой ва Россиядаги худди шундай тизимга интеграциялаштирмаслик ҳам кўрсатиб ўтилган.

Мазкур ҳужжатдаги пунктларнинг яна бири 5G тармоғини яратишда Huawei ва ZTE фирмалари техникаларининг таҳдидига тегишлидир.

Мудофаа бюджети лойиҳасида АҚШ Осиё-Тинч Океани минтақасида Хитойни тийиб туришга 1,4 миллиард доллар ажратилган. Шунингдек, ҳужжатда Тинч океанида тийиб туриш ташаббусини (PDI) ишлаб чиқиш таклиф этилган. Бунда Ҳинд ва Тинч океанида Америка манфаатлари муҳим аҳамиятга эгалигини Хитой Коммунистик партиясига эслатиб қўйиш зарурлиги айтилади.

Бундан ташқари, хабарда 2021 йилги молиявий йилда ажратилган 1,4 миллиард доллар маблағ 2022 йилги молиявий йилда 5,5 миллиард долларга оширилиши мумкинлиги ҳам айтилади.