АҚШда яшаётган қирғизистонликлар ватанига кислород аппаратларини жўнатишди
Кабар ахборот агентлигининг маълум қилишича, АҚШда истиқомат қилаётган ватандошлар кислород аппаратлари учун маблағ тўплаган ва уларни Қирғизистонга жўнатган. Бу ҳақда Қирғизистон Республикаси ёшлар билан ишлаш, жисмоний тарбия ва спорт ишлари бўйича давлат агентлиги маълум қилди.
Кабар ахборот агентлигининг маълум қилишича, АҚШда истиқомат қилаётган ватандошлар кислород аппаратлари учун маблағ тўплаган ва уларни Қирғизистонга жўнатган. Бу ҳақда Қирғизистон Республикаси ёшлар билан ишлаш, жисмоний тарбия ва спорт ишлари бўйича давлат агентлиги маълум қилди.
Ушбу аппаратлар Бишкек марказидаги спорт-реабилитация марказига етказилгани ҳақда айтилмоқда.
«Кислород аппаратлари Филадельфия шаҳридаги қирғизлар диаспораси бўлмиш «Kyrgyz Yntymak Fund» томонидан сотиб олинган. Жўнатилган 24 та аппаратнинг 12 таси Балиқчи шаҳрига ажратилди, 2 та аппарат Талас вилоятига берилди. 10 та аппарат Бишкек шаҳрига тақдим этилди»,- дейилади хабарда.