АҚШда ўтган ҳафта кичик бизнесга қанча кредит берилгани маълум қилинди
АҚШда ўтган ҳафта кичик бизнес учун умумий миқдори 175 миллиард долларлик 2,2 миллионта кредит берилди, деб маълум қилди мамлакат молия вазирлиги.
АҚШда ўтган ҳафта кичик бизнес учун умумий миқдори 175 миллиард долларлик 2,2 миллионта кредит берилди, деб маълум қилди мамлакат молия вазирлиги.
Идоранинг маълумотига кўра, берилган кредитнинг ўртача миқдори 79 минг долларни ташкил этган. Бу эса мазкур дастур (молиявий ёрдам) асосан микро ва кичик бизнесга мўлжалланганини яна бир бор исботлайди, дейилади хабарда.
Бу АҚШда коронавирусдан жабрланган бизнесга кўрсатилаётган иккинчи ёрдам дастуридир. Биринчиси 3 апрелда бошланган эди ва ўшанда умумий миқдори 500 миллиард долларлик 3,8 миллионта кредит берилган эди. Бироқ ушбу кредитнинг бир қисми йирик компанияларга берилгани учун Оқ уй маъмурияти томонидан танқид қилинган.