АҚШда тартибсизликлар қурбони 11 кишига етди
АҚШда Жорж Флойднинг ўлими ортидан келиб чиққан оммавий тартибсизликлар натижасида камида 11 киши ҳалок бўлди, деб маълум қилди Associated Press.
АҚШда Жорж Флойднинг ўлими ортидан келиб чиққан оммавий тартибсизликлар натижасида камида 11 киши ҳалок бўлди, деб маълум қилди Associated Press.
Қурбонлар Чикаго, Детройт, Омахи, Девенпорт, Окленд ва Луисвилл штатларидан бўлган. Уларнинг кўпчилиги афро америкаликлардир.
Шунингдек, тартибсизликлар давомида 100 дан зиёд киши жароҳат олгани айтилмоқда, лекин уларнинг аниқ сони келтирилмаяпти.
Мана саккиз кундирки, Жорж Флойднинг ўлими туфайли АҚШда оммавий норозиликлар босилмаяпти.
БМТ Бош котиби Антониу Гутерреш АҚШ кўчаларида рўй бераётган зўравонликларни кўриб, қайғуга ботганини маълум қилди ва норозилик тинч йўл билан билдирилиши кераклигини таъкидлади.
«Нью-Йорк ва мамлакатнинг бошқа шаҳарларида юз бераётган зўравонликларни кўриб туриш мен учун ғоят қайғули. Норозилик эшитилиши керак, бироқ у тинч йўл билан намойиш қилиниши лозим», - деб ёзди бош котиб Twitterда.