АҚШда COVID-19ни даволаш учун сигир қонидан олинган дори синаб кўрилмоқда
Жанубий Дакотада жойлашган тиббиёт компанияси кейинги ойдан бошлаб коронавирусни даволаш учун сигир қонидан тайёрланган дорини одамларда синашни бошлайди, деб хабар ерди New York Post газетаси.
Жанубий Дакотада жойлашган тиббиёт компанияси кейинги ойдан бошлаб коронавирусни даволаш учун сигир қонидан тайёрланган дорини одамларда синашни бошлайди, деб хабар ерди New York Post газетаси.
Хабарда айтилишича, биофармацевтик препаратлар ишлаб чиқарувчи SAB Biotherapeutics компанияси олимлари сигир танасига COVID-19ни келтириб чиқарувчи вируснинг инфекция бўлмаган қисмини юборишган. Натижада сигир организми инфекцияга қарши табиий антитела ишлаб чиқарган.
Олимларнинг маълум қилишича, синовда қатнашган сигирлар генетик модифициялаштирилган бўлиб, улар қисман инсон иммун тизимига эга. Тест натижалари шуни кўрсатмоқдаки, сигирларнинг COVID-19 га қарши ишлаб чиқарган антителаси коронавирусдан соғайган кишининг антителаси билан солиштирганда тўрт баробарга самаралироқ экан.
Сигир қонидан олинган препаратга SAB-185 деб ном берилган ва у кейинги ойдан бошлаб одамларда синаб кўрилади.
“Биз SAB-185 га баҳо беришнинг бошланғич босқичида турибмиз, бироқ дастлабки натижалар кўп нарсани ваъда қилмоқда”, - деди тадқиқотда иштирок этган Питтсбур университети қошидаги вакциналарни тадқиқ қилиш маркази аъзоси Уилям Климстр.