АҚШ Туркияга аталган F-35 жанговар самолётларини ўзи сотиб олади
«Туркия Республикаси F-35 дастуридан чиқариб юборилгандан кейин саккизта F-35A Lightning II самолёти уни ишлаб чиқарувчи Lockheed Martin компаниясидан 862 миллион долларлик шартнома доирасида сотиб олинади», дейилади Пентагон тарқатган хабарда.
АҚШ Анқара Россиянинг С-400 зинитли ракета мажмуасини хорид қилгандан кейин Туркия билан F-35 жанговар самолётларини ишлаб чиқариш бўйича ҳарбий ҳамкорлик дастурини бекор қилган эди. Энди ушбу дастур бўйича Туркияга берилиши мўлжалланган F-35 самолётларини АҚШнинг ўзи сотиб оладиган бўлди, деб маълум қилди Пентагон.
«Туркия Республикаси F-35 дастуридан чиқариб юборилгандан кейин саккизта F-35A Lightning II самолёти уни ишлаб чиқарувчи Lockheed Martin компаниясидан 862 миллион долларлик шартнома доирасида сотиб олинади», дейилади Пентагон тарқатган хабарда. Бундан ташқари, ушбу битимга АҚШ ҳарбий ҳаво кучлари учун мўлжалланган яна олтита машина ҳам киритилган.
Аввал бошда, Туркия 100 та F-35A самолётини сотиб олишни режалаштирган эди, бироқ Россиянинг С-400 зинитли ракета мажмуасини харид қилгандан кейин у мазкур дастурдан чиқариб юборилди. АҚШ расмийларининг таъкидлашича, F-35 самолётлари технологик жиҳатдан С-400 билан мос эмас. Вашингтон шунингдек, Анқарага С-400 ни сотиб олгани учун иқтисодий жазо чораларини ҳам жорий қилишини маъулум қилган эди.
Хабарда айтилишича, F-35 жанговар самолётининг ҳар бири тахминан 78 миллион долларга баҳоланган.