АҚШ үкіметі Google компаниясын іздеу қызметтері мен жарнама саласындағы монополиясы үшін сотқа берді.

«CNBC» таратқан хабарға сай, АҚШ Әділет министрлігі компанияны нарықтағы жетекші позициясын асыра пайдаланды деп айыптап, сотқа жүгінгені атап өтілген. Министрліктің мәліметінше, Google бәсекелестердің нарыққа кіруіне жол бермейтін келісімдер жасаған. Үкімет сонымен бірге корпорация мобильді құрылғы өндірушілеріне, байланыс операторларына және интернет-браузерлерге Google-ді негізгі іздеу жүйесі ретінде орнату үшін ақша төледі деп айыптайды.

Министрлік сонымен қатар Google іздеу жүйелерін Android операциалық жүйесінде жұмыс істейтін телефондарға орнату тәжірибесі бойынша сот ісін қозғауды жоспарлап отыр. Қазірде корпорация іздеу жарнамасы нарығының 70 пайызына иелік етеді. Бұл басқа іздеу жүйелерінің онымен бәсекелесуіне жол бермейді.

Ал, Әділет департаменті АҚШ-тағы іздеу сұрауларының 88 пайызы Google-дың үлесіне тура келеді, ал мобильді іздеу сұрауларының 94 пайызы оның қызметтерінен пайдаланады екен.

Осы қарсылық жағдайларға байланысты Google корпорациясы мұны үкіметтің «үлкен қателігі» деп атап, Google өзінің іздеу жүйесін адамдар мәжбүр болғандықтан емес, бәлкім өзі қалағаны үшін пайдаланады деген.