АҚШ Эронга COVID-19 тарқалишига қарши курашишда замонавий қурилмалари билан ёрдам беришга тайёр эканлигини маълум қилди
АҚШ Эронга коронавирус инфекцияси тарқалишига қарши курашишда ёрдам бериш ва ўпкани сунъий шамоллатиш аппаратларини юборишга тайёр.
АҚШ Эронга коронавирус инфекцияси тарқалишига қарши курашишда ёрдам бериш ва ўпкани сунъий шамоллатиш аппаратларини юборишга тайёр. Бу ҳақда Дональд Трамп кеча Оқ уйда бўлиб ўтган брифингда маълум қилди.
Трампнинг сўзларига кўра, АҚШ яқин кунлар ичида эпидемия даражаси пасайгандан сўнг ўпкада сунъий ҳаво айлантириш қурилмалари бўшайди.
“Агар улар(Эрон)га ПЦР аппаратлари керак бўлса, биз уларни юборишимиз мумкин. Мен улар хоҳлашса ёрдам таклиф қиламан”, — деди Трамп.
Жонс Хопкинс университети маълумотларига кўра, Эрондаги коронавирус билан боғлиқ вазият ҳамон Яқин Шарқ минтақасида энг оғири бўлиб турибди. Мамлакатда инфекцияни юқтирганлар сони 80,8 мингдан ошиб кетган, вафот этганлар 5 минг нафарга етган.
Эронда тождор вирусга чалинганлар орасида юқори мансабдорлар, шу жумладан, парламент раиси Али Ларижаний ҳам бор.
АҚШ бу борада биринчи ўринда турибди. Океан орти давлатида коронавирус инфекциясига йўлиққанлар сони 735 минг нафардан кўп, қурбонлар сони эса 39 мингдан ошган.