Bobo bu yil 93 yoshni qarshi oldi. Lekin, keksaman demaydi, sira. Oʻz gʻayrat, shijoati bilan barchaga oʻrnak.

Otaxon 1981-yildan bogʻdorchilik ishiga kirishib, nihol yetishtirish bilan shugʻullana boshlagan. 1983-yildan oʻzi bogʻ tashkil etib, sarxil mevalar yetishtirishni yoʻlga qoʻydi. Bobo ayni paytda ham mehnatdan tolmagan. Tasarrufidagi 37 gektarirning 21 gektari lalmi yerlar, qolgan 5 gektari bogʻ, 11,6 gektari chorvachilik uchun ajratilgan. Lalmi bogʻlarda olma, anor, uzum, pista, oʻrik yetishtiradi. Oʻtgan yili bogʻdan 200 tonna hosil olgan bobo, joriy mavsumda undanda moʻl hosil olish taraddudida.

Nosir bobo mehnatlari samarasi 2003-yilda “Shuhrat” medaliga, 2011-yilda “Tashabbus” respublika tanlovida Prezidentimiz sovriniga sazovor boʻlgan. Nuroniy otaxon haqida qancha gapirmaylik, shuncha oz. Oʻsib kelayotgan yosh avlod uchun ibrat boʻlayotgan otaxon yana ancha yillar yurtdoshlarimiz dasturxoniga shirin mevalarni yetkazib berish niyatida.