Chirchiq shahrida “O‘zbekiston kasaba uyushmalari 120 yil xalq bilan” shiori ostida o‘tkazilgan marafon musobaqasi 900 nafardan ortiq ishtirokchini qamrab oldi.

Aholi orasida sog‘lom turmush tarzini keng yoyishga qaratilgan yugurish musobaqalarida mahalla faollari, talaba-yoshlar, turli tashkilotlarning xodimlari, faxriylar va maktab o‘quvchilari faol ishtirok etdi.

O‘n bitta yo‘nalishda kechgan ommaviy yugurish bahslarida Nasimbek To‘ychiyev, Bektosh Rahmatov, Sirojiddin Xushvaqtov, To‘lqin Xusenov, Ahmadjon Akbarov, Mirkomil Magrupov, Dilafruz Mirazimova, Mohigul Jo‘rayeva, Alyona Tunyan, Ulbolsin Kubeysinova, Zulfiya Qodirova g‘oliblikka erishdi.

Salomatlikni mustahkamlashga xizmat qilgan musobaqalar yakunida g‘olib va sovrindorlar tashkilotchilar tomonidan munosib taqdirlandi.

T.Ro‘ziyev, O‘zA