Tojikiston Favqulodda vaziyatlar Qoʻmitasining matbuot kotibi Umeda Yusupovaning xabar qilishicha, ayollar ertalab uydan chiqqanlarida boʻrilar toʻdasining hujumiga uchradi.

Porshnev jamoatining vakillari mazkur faktni tasdiqladi. Ularning xabar qilishicha, boʻrilar ayollarni tiriklay gʻajib tashlagan.

Bu boʻrilarning mahalliy aholiga birinchi hujumi emas. 2013 yilning fevralida Rushan tumanidagi Badjuv qishlogʻida istiqomat qiluvchi 81 yoshli Nabotbegim Xudodova vahshiy hayvonlarning hujumiga uchragan va olgan jarohati tufayli ayol hodisa joyida vafot etgan edi.

Oʻsha yilning yanvarida boʻrilar toʻdasi Shugnan tumanidagi Sijd qishlogʻida yashovchi 90 yoshli Ozoda Saidnurulloyevaga hujum qilgan edi. Hodisadan keyin ayol uzoq davolangan va shifoxonada reabilitatsiya qilingan edi.

Ekspertlarning soʻzlariga qaraganda, och qolgan boʻrilar toʻdasi ovqat izlab qishloqqa tushishga majbur boʻlmoqda va koʻpincha odamlar ularning qurboniga aylanmoqda.

Tojikistonda boʻrilarni ovlash rasman taqiqlangan, shuningdek, togʻli qishloqlarda yashovchi aholi vahshiylarga qarshi kurashda qurolga ega emas. Bir necha yil muqaddam ekologlar Afgʻonistondan Tojikistonga boʻrilar migratsiyasini qayd qilishgan edi, shundan soʻng yirtqichlarning chorva mollari va hatto mahalliy aholiga hujum qilishi borasida mahalliy aholi tomonidan shikoyatlar bildirildi.