6 ойда Тошкент шаҳрига мамлакатимизнинг бошқа ҳудудларидан қанча фуқаро доимий яшаш учун кўчиб келган?
Давлат статистика қўмитасининг маълум қилишича, 2022 йил январь-июнь ойларида республиканинг бошқа ҳудудларидан Тошкент шаҳрига 25 290 киши доимий яшаш учун кўчиб келган.
Бу кўрсаткич ўтган йилнинг мос даврига нисбатан 4 170 кишига камайган.
Тошкент шаҳрига кўчиб келганларнинг 12 минг 86 нафари эркак, 13 минг 204 нафари аёллардан иборат.
2022 йил январь-июнь ойларида Тошкент шаҳридан республиканинг бошқа ҳудудига доимий яшаш мақсадида кўчиб кетганлар сони 4813 кишини ташкил этган.
ЎзА