Қозоғистоннинг Остона шаҳрида 57-Халқаро Менделеев олимпиадасининг тақдирлаш маросими бўлиб ўтди.

Бу йилги олимпиадада дунёнинг 21 давлатидан ташриф буюрган 113 нафар иқтидорли ўқувчи ўзаро куч синашди.  

Олимпиаданинг якуний натижаларига кўра, юртимиз ўқувчилари  2 та олтин, 3 та кумуш ва 2 та бронза медални қўлга киритди.  

Абу Али ибн Сино номидаги ихтисослаштирилган мактабнинг 11-синф ўқувчиси  Азизбек Назаров ҳамда Учтепа туманидаги 81-мактабнинг 10-синф ўқувчиси Абдуллоҳ Маҳмудов  олтин медал соҳиби бўлди. Тошкент шаҳридаги Президент мактабининг 10-синф ўқувчиси Соҳибжон Дилмуродов, Бухоро шаҳридаги 35-мактабнинг 9-синф ўқувчиси Далер Раҳимов, Учтепа туманидаги 81-мактабнинг 11-синф ўқувчиси Азизбек Каримов кумуш медални қўлга киритди.  Бухоро давлат тиббиёт институти академик лицейи 2-босқич ўқувчиси  Азизбек  Ҳафизов ҳамда Абу Али ибн Сино номидаги ихтисослаштирилган мактабнинг 11-синф ўқувчиси Шаҳзода Ҳакимова бронза медалига сазовор бўлди.

Бу ҳақда Мактабгача ва мактаб таълими вазирлиги матбуот хизмати хабар берди.

Н.Усмонова, ЎзА