Andijonlik yoshlar – g‘olib
Poytaxtimizda gandbol bo‘yicha O‘zbekiston chempionati bo‘lib o‘tdi.
O‘zbekiston gandbol federatsiyasi tomonidan navqiron avlod o‘rtasida gandbolni yanada rivojlantirish, iqtidorli sportchilarni kashf etish hamda joriy yil Xorazmda bo‘ladigan “Umid nihollari – 2015” sport o‘yinlariga tayyorgarlik ko‘rish maqsadida tashkil etilgan musobaqada mamlakatimizning barcha hududidan yosh iqtidorli sportchilar g‘oliblik uchun bahslashdi.
Chempionat finalida andijonlik gandbolchilar Toshkent shahri jamoasini 26:24 hisobida mag‘lubiyatga uchratib, bosh sovrinni qo‘lga kiritdi.
Uchinchi o‘rin uchun bahs Farg‘ona va Buxoro viloyatlari jamoalari o‘rtasida kechdi. Unda farg‘onalik yoshlar 30:29 hisobida g‘alaba qozondi.